Sito ufficiale del comune di Tramatza

Via Tripoli, 2  - 09070  Tramatza (OR)
TEL 0783.508001 - FAX 0783.508030 -  P.IVA 00072010952
PEC protocollo@pec.comune.tramatza.or.it - MAIL protocollo@comune.tramatza.or.it

In Evidenza
 A causa di ripetuti episodi di mancato rispetto delle regole inerenti l'utilizzo della struttura , si sospende momentaneamente la concessione dei locali interni di Casa Enna. Il cortile sarà fruibile congiuntamente ai servizi igienici lato pozzo, con modalità già previste.

S'Isportellu Linguisticu

S’isportellu linguìsticu de su Comunu de Tramatza naschit po afortiai su manizu de sa limba sarda in sa pùbblica amministratzioni e in sa comunicatzioni istitutzionali cun is tzitadinus, ma fintzas po ispinghi sa comunidadi tramatzesa a sighiri a manizai su sardu a dònnia livellu.

Sa limba sarda est una prenda manna chi teneus comu ma chi arriscaus de no tenni prus a ziru de calincuna pariga de annus, poita is pipius e is zòvunus de oi azumai mancu connoschint sa chi fiat sa limba chistionada de is Nonnais insoru. E custu est unu dannu mannu poita una limba chi non benit fueddada de is prus zòvanus at a èssiri una limba chentza de unu benidori.

Dònnia limba est s’espressada de una manera de biri su mundu, si una limba morit morint cun issa totu is valoris e is traditzionis acapiadas a issa, e unu pòpulu chi non connoschit e non avalorat is arreghinas suas non si podit difendi de “s’apiatimentu” chi ndi benit de sa globalizatzioni. Po difendi su diritu a s’identitadi nostra est pretzisu sighiri a manizai sa limba nostra.

Intra de is atividadis chi s’isportellu promovit ddui est sa furriadura in sardu de is documentus ufitzialis de su Comunu, de sa modulìstica po su pùblicu, de abisus, targas e dònnia atra comunicatzioni ufitziali. S’operdaora at aprontau fintzas una newsletter periòdica in sardu “Novas Tramatzesas” po informai sa comunidadi de is fainas de s’amministratzioni.

In prus su pùblicu interessau podit benni in Comunu in sa dì de aperridura de s’iportellu po calisisiat consulèntzia asusu de su sardu: règulas de iscridura, prozetus chi pertocant limba e cultura sarda, is lezis a tutela de is limbas de minoria, e dònnia atru aspetu acapiau a sa limba. In sa Bacheca de su Comunu podeis agatai una setzioni dedicada a s’isportellu cun totu is comunicatzionis chi podint serbiri.

S’isportellu est apertu dònnia canàbara a manzanu – si no est comunicada atra dì- de is otu a is duas a primu merì, e arretzit su pùblicu in is oràrius de aperridura istabilìus po is ufìtzius. Podeis cuntatai s’operadora de s’isportellu fintzas mandendi una punta de billetu a custu indiritzu de posta eletrònica: limbasarda.tramatza@gmail.com

S’operadora de s’isportellu linguìsticu Sa Dotora Sìlvia Mastinu